عرض مسرحيّة “سرير طابقي”

bunkbeds theater

الأحد ٢٠ تشرين الثاني ٢٠١٦، الساعة السادسة والنصف مساءً.
مسرح شغل بيت، التحويطة، بناية ناصيف، طابق ٢، بيروت، لبنان.

مسرحيّة “سرير طابقي” من تأليف وإخراج عمر بقبوق وتمثيل تلاتة من طلّاب المركز التعليمي لبسمة وزيتونة.
بتحكي المسرحيّة عن تلات أخوة عايشين بغرفة صغيرة لدرجة أنها ما بتتسع لتخوتهم غير إذا كانت طابقيّة.
عنوان المسرحيّة اجى من فكرة الإضاءة على الأشخاص اللي ما إلهم مكان كافي بهاد العالم وبيضطروا يغيروا من ظروف حياتهم لحتّى يقدروا يتأقلموا.
واحد من الأطفال بيهرب وبتطوّر المسرحيّة بعدها بناءَ على كيف بتكون ردّة فعل الأخين على هروب الأخ الأوسط وتخته الفاضي اللي بيخليهم يعيدوا التفكير بكتير من الأشياء بحياتهم مع إهمال الأهل إلهم تماماً.

الأطفال المشاركين بالمسرحيّة هنن من الأطفال اللي خضعوا لتدريبات على المسرح التفاعلي وبرامج الدعم النفسي عن طريق المسرح والفنون.

المسرحيّة من تمثيل:
مؤيد صالح محمّد (١١ سنة)
حسين الحسن (١٣ سنة)
حسن الحاجي (١٠ سنوات)
إضاءة:
عمر باكير
وشراكة مع فرقة ميّاس المسرحيّة.

صفحة الفيسبوك.

مسرح, الأحد ٢٠ تشرين الثاني ٢٠١٦

عودة إلى قائمة الفعاليات